iBlogg: Basler Innerstadt-Blog

Es lytet derno isch alles still
me hert e Biebli zwänge
s macht gar nie was d Muetter will
si muess zerscht d Ruete länge.
Doch jetzt seit d Muetter, mach was d witt
der Santi Glaus stoht dunde
dä nimmt die böse Buebe mit
und hett do grad ein gfunde.
s Biebli lacht ass sigs nit wohr
scho bolterets an d Diire
schnäll schlupfts hinders Ooferohr
doch s heisst gli: kumm hinde fiihre.
s Biebli wird am Schöpfli paggt
s schreit Mamme in sim Schregg.
s nutzt em nyt s wird ihne gsaggt
scho drait er s umme Egg.
Im Schwarzwald blibt er mit em stoh
dert schabts jetzt gääli Riebli
zer Mamme darfs erscht wieder ko
wenns folge ka, das Biebli.


und so sehts uss, wenn me dr Grättimaa nit sälber baggt. Schlange vor em Gilge.