iBlogg: Basler Innerstadt-Blog

S isch wider emool heeeerlig gsi. Und haiss drzue. Aber si hänn sich au alli Mieh gä.

Zerschd mache si ab was me spylt

und denn goots los

In unserem Byschpyl (Bischpil?) dr Peter "Pieter" Lottner and Peter "Pieter" The Little Servant

Tympanic Jazzband heisse si und nai das hett nüt mit Panik ztue, sondern mit der Membrana tympani und so heissts Drummelfäll. Aber nit das uff dr Drummle, sondern das im Ohr.

D Lüt hänns glatt gfunde, die maischte mien nümm eso uff d membrana tympani luege oer andersch gsait me muess zimlig lutt mache, dass si s lutt finde.

Und denn hets vyl Applaus gäh und der Peter het gstrahlt

Au am Tootegässli im Pharmaziemuseumshöfli hänn si unter em Krokodil alles gä

Und am Andreasplatz ischt kein Durchkommen mehr gewesen

Und erscht no vor em Rosario, do het e Bänd e ganzi Schar vo Lüt fasziniert

Mr hätte-s villicht au däne glatt kha

Die do hett sich jedefalls im Minschter nümm könne heebe, wo si ghört het, was alles in der agäblig so doote Stadt alles lauft, und zum ene Tenuewäggsel aagsetzt: Sie isch sunschd ebe dusse und muess jetzt warte bis die Minschterbauhütte ändlig ändlig mit dr Himmelspforte fertig isch. Aber do sinn mer jetzt e bitz abgwiche,exgisi.